Қамчибек Ташиев Министрлер Кабинети басшысының орынбасары – Миллий қәўипсизлик мәмлекетлик комитетиниң баслығы лаўазымынан азат етилди, деп хабар бермекте “Кабар” мәлимлеме агентлиги.

Атап өтилиўинше, тийисли пәрманға президент Садир Жапаров қол қойған.

Қ.Ташиев 2020-жыл 16-октябрьде сол ўақытта Қырғыз Республикасы президенти ўазыйпасын атқарыўшы С.Жапаровтың пәрманы менен усы лаўазымға тайынланған еди.

Хабарға бола, оның орнына Жумгалбек Шабданбеков Миллий қәўипсизлик мәмлекетлик комитети баслығы ўазыйпасын атқарыўшы етип тайынланған.

1970-жылы туўылған генерал-майор Жумгалбек Кумарович Шабданбеков бүгинги күнге шекем Қырғыз Республикасы Миллий қәўипсизлик мәмлекетлик комитети баслығының орынбасары лаўазымында ислеп келген.

Ө.Алимов, ӨзА