Өзбекстан Республикасы Президенти Шавкат Мирзиёев мәмлекетлик сапар менен Исламабадқа келди.

Пакистан ҳаўа аймағында жоқары мәртебели мийманның самолётына усы мәмлекет Әскерий ҳаўа күшлериниң қырыўшы самолётлары бирге жүрди.

“Нурхон” аэропортында мәмлекетимиз басшысын Пакистан Президенти Асиф Али Зардорий, Бас министр Шаҳбоз Шариф ҳәм басқа да рәсмий адамлар күтип алды.

Еки мәмлекеттиң мәмлекетлик байрақлары көтерилди, ҳүрметли қараўыл сап тартты.

Бағдарламаға муўапық, бүгин Қорғаныў күшлери Жоқары Бас Сәркардасы – Қураллы Күшлердиң қурғақлықтағы әскерлери сәркардасы, фельдмаршал Асим Мунир, Пакистан Бас министри Шаҳбоз Шариф пенен сөйлесиўлер ҳәм Жоқары дәрежедеги стратегиялық бирге ислесиў кеңесиниң биринши мәжилиси болып өтеди.

Ертең, 6-февраль күни Пакистан Президенти Асиф Али Зардорий менен ушырасыў ҳәм Өзбекстан – Пакистан бизнес форумында қатнасыў режелестирилген.

ӨзА