Өзбекстан өнимлерин дүньяның қәлеген мәмлекетлерине жеткериў имканиятлары кеңеймекте. Буның ушын болса жергиликли ислеп шығарыўшылар өз өнимлерин халықаралық қарыйдарларға көрсете алыўы әҳмийетли есапланады.

Германияның Берлин қаласында азық-аўқат ҳәм аўыл хожалығы тараўындағы дүньядағы ең ири көргизбелерден бири – “Messe Berlin” басланды.

Саўда-санаат палатасының жәрдеминде шөлкемлестирилген “Made in Uzbekistan” миллий стендинде мәмлекетимиздиң агросанаат потенциалы кеңнен көрсетилмекте.

Миллий экспозицияда 20 дан аслам жергиликли ислеп шығарыўшы кәрханалар өз өнимлерин халықаралық қарыйдарлар ҳәм потенциал бирге ислесиўшилерге усынбақта.

Бул қатнасыў жаңа экспорт базарларын ашыў, сырт елли бирге ислесиўшилер менен тиккелей байланыс орнатыў ҳәм “Made in Uzbekistan” брендин дүнья көлеминде беккемлеўге хызмет етеди.

Саўда-санаат палатасының мағлыўматына бола, көргизбе 6-февраль күнине шекем даўам етеди. Өзбекстан павильоны “Messe Berlin”  көргизбе орайының Hall 22/E50 стендинде жайласқан.

А.РУСТАМОВ, ӨзА