Албанияда коррупцияға қарсы ЖИ-министр (жасалма интеллект министри) – Диэлланы жаратқанлардың өзлери коррупцияда айыпланбақта. Бул ҳаққында The New York Times хабар берди.

Албания прокуратурасы Диэлланы жаратыўға басшылық еткен ҳүкимет шөлкеми – Миллий мәлимлеме агентлиги директоры ҳәм оның орынбасарын үй қамағына алды. Олар мәмлекетлик шәртнамаларды дүзиў ушын арзаларды “ойын” еткен жынайый структураға байланыслылықта гүманланбақта.

Атап өтилиўинше, тергеў Европа Аўқамының блогқа қосылыў талапларын орынлаў мақсетинде Албания рәсмийлери тәрепинен шөлкемлестирилген кең көлемли коррупцияға қарсы гүресиў кампаниясы шеңберинде өткерилмекте.

Алдын хабар бергенимиздей, Албания жасалма интеллектке министр лаўазымы берилген дүньядағы биринши мәмлекет болған еди. Diella жасалма интеллектли ботына мәмлекетлик сатып алыўлар ушын жуўапкершилик жүклетилген еди.

Қарақалпақстан хабар агентлиги