Президент Шавкат Мирзиёевтиң басшылығында видеоселектор мәжилиси даўам етпекте.

Үш жыл алдын Ишки ислер министрлигинде шөлкемлестирилген кибержынаятшылыққа қарсы гүресиў басқармасының жумысы елеге шекем көринбей атырғаны атап өтилди.

Мәселен, өткен жылы пайтахтта кибержынаятлардың саны 16 мыңнан артып, пуқаралар дерлик 2 триллион сум материаллық зыян көрген болса, оларды ашыў 8 процентке де бармай атыр.

Жынаятшылар банк системасындағы бослықтан, халықтың исениўшеңлигинен ҳәм технологиялық билиминиң жетиспеўшилигинен пайдаланбақта.

– Ишки ислер ҳәм прокуратураға бул бағдарда барлық мәселелерди шешип бергенмен. Қайда нәтийже? Банк ҳәм төлем шөлкемлеринде қорғаў системаларын енгизиў қашан жуўмақланады, – деп мәмлекетимиз басшысы жуўапкерлерге қатаң сораў қойды.

ӨзА