Radical Storage компаниясы туристлер қалдырған баҳаларға тийкарланып, дүньяның ең таза қалалары рейтингин дүзди.

Оған бола, Польшаның екинши ири қаласы – Краковты туристлер ең таза ҳәм ықшам қала деп тән алды. Краков туристлердиң 98,5 процентинде әжайып тәсирлер қалдырды. Итибарлы тәрепи, Польша пайтахты Варшава да таза қалалар жетекши беслигине кирди.

Ең таза қалалар (топ-10):

1. Краков, Полша (98,5 процент);
2. Шаржа, БАӘ (98,0 процент);
3. Сингапур (97,9 процент);
4. Варшава, Польша (97,8 процент);
5. Доха, Қатар (97,4 процент).
6. Ар-Рияд, Саудия Арабстаны (96,9 процент);
7. Прага, Чехия (96,4 процент);
8. Маскат, Оман (96,4 процент);
9. Дубай, БАӘ (96,3 процент);
10. Фукуока, Япония (96,3 процент).

Алдынырақ Radical Storage компаниясы дүняның ең патас туристлик қалалары антирейтингин жәриялаған еди. Бул дизимди Будапешт, Рим ҳәм Лас-Вегас басқармақта.

Қарақалпақстан хабар агентлиги