Сомали Федеративлик Республикасының Өзбекстан Республикасындағы биринши елшиси тайынланды. Бул ҳаққында Өзбекстан Республикасы Сыртқы ислер министри Бахтиёр Саидов өзиниң Телеграм каналында мәлим етти.

Сыртқы ислер министриниң жазыўынша, бүгин, 27-ноябрь күни Фатхудин Али Моҳамед Сомалидиң Өзбекстандағы биринши елшиси сыпатында исеним жарлықларын тапсырған.

Атап өтилиўинше, илаж даўамында еки мәмлекет арасындағы көплеген перспективалы бағдарларда өз-ара пайдалы бирге ислесиўди және де беккемлеўге садықлық билдирилген.

“Елшиниң әҳмийетли дипломатиялық миссиясында үлкен табыслар тилеймиз ҳәм нәтийжеге бағдарланған бирге ислесиўди биргеликте раўажландырамыз,” дейди Бахтиёр Саидов.

Қарақалпақстан хабар агентлиги