Өзбекстан Республикасы Президенти Шавкат Мирзиёевтиң мирәт етиўине бола Қазақстан Республикасы Президенти Қасым-Жомарт Тоқаев мәмлекетлик сапар менен елимизге келгеннен соң, мәмлекет басшылары “Ташкент-Ҳумо” халықаралық аэропортында сәўбет өткерди.

Өзбекстан – Қазақстан стратегиялық шериклик ҳәм аўқамласлық қатнасықларын буннан былай да раўажландырыў мәселелери бойынша пикир алысылды.

Сапар бағдарламасына муўапық, 15-ноябрь күни жоқары дәрежедеги сөйлесиўлер ҳәм Жоқары мәмлекетлераралық кеңестиң екинши мәжилиси болып өтеди.

Саммит шеңберинде ири биргеликтеги жойбарлар иске қосылыўы ҳәм еки тәреплеме ҳүжжетлердиң үлкен топламына қол қойылыўы күтилмекте.

ӨзА