Бажыхана институтының Қайта таярлаў ҳәм қәнигелигин арттырыў факультетинде Жәҳән бажыхана шөлкеминиң Орайлық Азия ҳәм Кавказ қәўипсизлик жойбары шеңберинде Өзбекстан ҳәм Тәжикстан бажыхана хызметлери ўәкиллери ушын халықаралық семинар-тренинг шөлкемлестирилди.

Илаждан гөзленген мақсет бажыхана хызметкерлериниң қурал-жарақ ҳәм ушыўшысыз ушыў аппаратларының нызамсыз айланысына қарсы гүресиў, қәўип-қәтерлерди басқарыў ҳәм шегара қадағалаўында ҳуқықбузарлықларды анықлаў бойынша билим ҳәм көнликпелерин және де беккемлеўден ибарат.

Семинар даўамында Жәҳән бажыхана шөлкеминиң тәжирийбели экспертлери – Адам Вас, Весна Вракар ҳәм Метю Фахд өзлериниң әмелий тәжирийбелери ҳәм алдынғы халықаралық көзқараслары менен ортақласты.

Тренинг шеңберинде қатнасыўшылар ушын заманагөй оқыў методикасы тийкарында теориялық билимлер менен бир қатарда әмелий сабақлар да шөлкемлестирилди.

Бул илаж бажыхана уйымлары арасындағы бирге ислесиўди беккемлеў, қәўипсизликти тәмийинлеў ҳәм регионаллық турақлылықты және де арттырыўға хызмет етеди.

ӨзА