Уллы Британия пайтахты Лондонда Газаны қайта қурыў бойынша үш күнлик халықаралық конференция басланбақта.

Илажда Палестина ҳәкимшилиги, Саудия Арабстаны, Иордания, Германия ҳәм Италия, сондай-ақ, Жәҳән банки, ЕТРБ сыяқлы халықаралық финанс институтлары, жеке меншик донорлар, гуманитар шөлкемлердиң ўәкиллери қатнасады.

Додалаўларда Газа инфраструктурасын қайта қурыўға, Палестина ҳәкимшилиги шеңбериндеги реформаларға итибар қаратылады.

Сондай-ақ, Лондон Газа секторына 27 миллион долларлық гуманитарлық жәрдем көрсетиўге ўәде берди. Бул қаржы ЮНИСЕФ, Жәҳән азық-аўқат бағдарламасы ҳәм Норвегия қашқынлар кеңеси арқалы аймақты суў, санитария, аўқатланыў ҳәм гигиена хызметлери менен тәмийинлеўге жумсалады.

С.Раҳимов, ӨзА