Бүгинги күнде билимлендириў тараўын раўажландырыў, жаслар ушын халықаралық имканиятларды кеңейтиў мәмлекетлик сиясатта тийкарғы бағдарға айланды. Усы мақсетте Өзбекстан Франция сыяқлы жетекши мәмлекетлер менен бирге ислесиўди және де беккемлемекте.

Жоқары билимлендириў, илим ҳәм инновациялар министри Қоңыратбай Шарипов Франция Республикасының Өзбекстандағы Айрықша ҳәм толық ҳуқықлы елшиси Уалид Фук пенен ушырасыў өткерди.

Министр сөйлесиў алдынан елшини Өзбекстанда дипломатиялық жумыс баслағаны менен қутлықлап, оған жуўапкершиликли жумысында табыслар тиледи.

Ушырасыў Өзбекстан ҳәм Франция арасындағы жоқары ҳәм профессионал билимлендириў және илим тараўларындағы бирге ислесиў перспективаларына бағышланды.

Атап айтқанда, Өзбекстан – Франция университетин мәмлекетимизде шөлкемлестириў ҳаққында да пикир алысылды.

Шербек Исломов, ӨзА