Өзбекстан елшиси Ойбек Шахавдинов Венгрия мәмлекетлик басқарыў ҳәм аймақларды раўажландырыў министри Тибор Наврачич пенен сөйлесиў өткерди, деп хабар бермекте “Дунё” МА.

«Сөйлесиў ўақтында Өзбекстан ҳәм Венгрия арасындағы стратегиялық шерикликти мәмлекетлик басқарыў, санластырыў, кадрлар таярлаў, аймақлараралық бирге ислесиў ҳәм турақлы раўажланыў тараўларында тереңлестириў перспективалары додаланды.

Венгрия тәрепи жедел тәжирийбе алмасыў ҳәм биргеликтеги басламаларды әмелге асырыў, соның ишинде, аўыллық жерлерди санластырыў бойынша жойбарларды әмелге асырыўға таяр екенин билдирди.

Тәреплер сөйлесиўди даўам еттириўге таяр екенлигин билдирди ҳәм бирге ислесиўди раўажландырыў бойынша кейинги қәдемлерди ислеп шығыўға келисип алды», делинеди хабарда.

Қарақалпақстан хабар агентлиги