Ғоза, жүзим, пал, газленген ишимликлер ҳәм энергетикалық ишимликлер балалар ушын қәўипли болыўы мүмкин, деди диетолог ҳәм Социаллық аўқатланыў ҳәм денсаўлықты сақлаў қәнигелери ассоциациясы баслығының орынбасары Алла Порхун РИА Новостиге берген интервюинде.

Ол ғоза ҳәм жүзим нәрестелерде буўылыўдың кең тарқалған себеплери екенлигин ескертти. Пал ботулизм қәўпи себепли бир жасқа шекемги балалар ушын қәўипли. Газленген ишимликлер ҳәм энергетикалық ишимликлер қурамындағы қант ҳәм кофеин себепли тис эмалын жемиреди ҳәм нерв системасын бузады.

Порхун, сондай-ақ, арзан кондитер өнимлери, тез таярланатуғын тағамлар ҳәм маргарин қурамындағы транс майлары холестерин муғдарын арттырып, организмдеги созылмалы исиниў процесслерине алып келетуғынын атап өтти.

Диетолог ҳәм медицина илимлериниң докторы Марият Мухина жасалма азық-аўқат бояўлары аўыр аллергия, конюнктивит ҳәм ҳәттеки соқырлыққа алып келиўи мүмкинлиги ҳаққында ескертти.

Қарақалпақстан хабар агентлиги