Грузиядағы Крцаниси әскерий базасында НАТОның “Agile Spirit 2025” көп миллетли шынығыўларының ашылыў мәресими болып өтти, деп хабар бермекте “РИА Новости” басылымы.

Атап өтилиўинше, тийкарғы шынығыўлар региондағы еки мәмлекет – Грузия ҳәм Түркияда өткерилмекте. Оларда АҚШ, Түркия, Польша, Германия, Италия, Греция, Грузия, Молдова, Румыния, Болгария, Словакия, Литва ҳәм Украина әскерлери қатнаспақта. Армения ҳәм Япония қураллы күшлериниң ўәкиллери бақлаўшы сыпатында қатнаспақта.

Шынығыўлардың тийкарғы қурамлық бөлимлери сәркардалық-штаб бөлими, Сенаки-Вазиани жолы участкасында Грузия-Америка тактикалық топары, биргеликте оқ атыў шынығыўлары, арнаўлы әмелиятлар күшлериниң биргеликтеги ҳәрекетлери ҳәм Грузия қорғаныў күшлери Жаўынгерлик таярлық орайының тексериўи болады.

Грузия Қорғаныў министрлиги берген мағлыўматқа бола, шынығыўлар 6-августқа шекем даўам етеди.

С.Раҳимов, ӨзА