“Мәмлекетлик басқарыў системасында эффективлилик, проактивлик ҳәм нәтийжелиликти арттырыў илажлары ҳаққында”ғы Президент Пәрманы қабыл етилди. Бул ҳаққында “Ҳуқуқий ахборот” телеграм каналында хабар берилди.

Пәрманға бола:

Мәлимлеме ҳәм ғалаба коммуникациялар агентлиги сапластырылып, оның мәлимлеме тараўында қадағалаў ҳәм мониторинг бойынша ўазыйпа ҳәм функциялары Мәлимлемелестириў ҳәм телекоммуникациялар тараўында қадағалаў инспекциясына өткерилди;

• Ғалаба коммуникациялар мәселелери бойынша орай Администрация бойсыныўына өткерилди;

Наркотиклерди қадағалаў миллий орайы негизинде Наркотиклер ҳәм оқатар қуралларды қадағалаў агентлиги шөлкемлестирилди;

• Администрация баспасөз хызмети медиа-орайы тийкарында Ғалаба хабар қураллары ушын контент таярлаў орайы шөлкемлестирилди;

Мәмлекетлик хызметти раўажландырыў агентлиги негизинде Басқарыў нәтийжелилиги агентлиги шөлкемлестирилди;

• Министрлер Кабинети жанындағы Мәденият ҳәм көркем өнерди раўажландырыў қоры Администрация бойсыныўына өткерилди.

Ҳүжжет пенен 2025-жыл 1-сентябрьге шекем төмендегилерге қаратылған нормативлик-ҳуқықый ҳүжжетлер жойбарлары ислеп шығылады:

• бюрократиялық тосқынлықларды сапластырыў, тәкирарланыўшы қадағалаў функцияларын бийкарлаў, қарар қабыл етиўде ашық-айдынлықты тәмийинлеўге қаратылған республикалық ҳәм жергиликли атқарыў ҳәкимияты уйымлары жумысының нәтийжелилигин арттырыў;
• аймақларды комплексли раўажландырыў, халықтың бәнтлигин тәмийинлеў ҳәм дәраматларын арттырыў бағдарында жергиликли ҳәкимликлердиң экономикалық, ҳәкимшилик ҳәм финанслық ўәкилликлерин және де кеңейтиў.

Қарақалпақстан хабар агентлиги