Усы күнлерде Швейцарияның Женева қаласында Бирлескен Миллетлер Шөлкеми Саўда ҳәм раўажланыў бойынша Конференциясы (UNCTAD)ның басламасы менен шөлкемлестирилген халықаралық конференцияға Бәсекини раўажландырыў ҳәм тутыныўшылардың ҳуқықларын қорғаў комитетиниң баслығы Халилилло Тўрахўжаев басшылығындағы делегация қатнаспақта.

Бул конференция шеңберинде Комитет баслығы Халилилло Тўрахўжаев Қубла Корея Тутыныўшылар агентлиги президенти мырза Юн Су Хён менен еки тәреплеме ушырасыў өткерди.

Сөйлесиўлер барысында тутыныўшылардың ҳуқықларын қорғаў, товар ҳәм хызметлердиң сапасы, сондай-ақ, санлы базарда тутыныўшының мәплерин тәмийинлеў мәселелери додаланды. Еки тәреп өз-ара бирге ислесиўди раўажландырыўға таяр екенин билдирди.

UNCTAD конференциясы шеңбериндеги бул сөйлесиў өз-ара исенимди және де беккемлейди ҳәм перспективалы жойбарларға жол ашады.

Нигора Раҳмонова, ӨзАның хабаршысы