«BBC Travel» глобал медиа порталы мағлыўматларына бола, Өзбекстан 2025-жылы саяхат етиў ушын ең жақсы 25 жөнелис дизимине кирди. Туризм Өзбекстанның өзине тән дәстүрлери ҳәм мәдений мийрасын сақлаў стратегиясының әҳмийетли бөлегине айланып бармақта.

Мәмлекет инфраструктураны жедел раўажландырмақта: жаңа мийманханалар, жоқары тезликтеги темир жол маршрутлары, ишки авиарейслер ҳәм жаңаланған мәдений дыққатқа ылайық орынлар саяхатшылар ушын бийтәкирар имканиятлар жаратпақта.  Өзбекстан өзиниң туризм брендин халықаралық көлемде жедел үгит-нәсиятламақта. Туризм көргизбелерин өткериў, халықаралық форумлар ҳәм маркетинг компанияларында қатнасыў, потенциаллы туристлердиң хабардарлығын арттырыўға ҳәм итибарын тартыўға жәрдем береди.

Соның ишинде, 8-июль күни Өзбекстан Туризм комитети ҳәм мәмлекетимиздиң Кувейттеги елшиханасының жәрдеминде «Өзбекстан – Кувейт» халықаралық туризм форумы табыслы өткерилди.

Илажға еки мәмлекеттиң туризм уйымлары, туристлик компаниялары, авиакомпаниялар, саўда-санаат палаталары ҳәм исбилерменлер қатнасты. Форумда Өзбекстанның туризм потенциалы, бай мәдений мийрасы, заманагөй инфраструктурасы, сондай-ақ, зыярат, медициналық, гастрономиялық ҳәм экологиялық туризм имканиятлары кеңнен көрсетилди.

Зиёвуддин НУРИДДИНОВ, Искандар ИСМАТОВ, ӨзАның хабаршылары