Президенттиң басшылығында жол ҳәрекети қәўипсизлигин тәмийинлеў ҳәм тығылысты азайтыў бойынша видеоселектор мәжилиси басланды.

Кейинги 7 жылда бул бағдарда көп жумыслар исленгени атап өтилди. Жолларды қурыў ҳәм оңлаўға 61 триллион сум ажыратылды. Бул 2017-жылға шекем берилген қаржылардан 3,5 есеге көп.

Онлайн мүрәжат системасы иске қосылып, жол ҳәрекети қәўипсизлиги бөлимлерине келиў 50 процентке азайды.

Сондай-ақ, 3 мың 365 ЖПХ хызметкерине электрон планшет ҳәм бодикамера алып берилди. Қағыйдабузарлықларды жасалма интеллект тийкарында сайлап алыў ҳәм қарар шығарыў әмелияты енгизилди.

Айдаўшылық ҳуқықына имтихан, жол сызықларын сызыў, техникалық тексериў сыяқлы 8 хызмет исбилерменлерге аутсорсингке берилди.

Қалаларда жәмийетлик транспорт ушын арнаўлы жоллар шөлкемлестирилди.