Өзбекстан Республикасы мәденият министри Озодбек Назарбеков басшылығындағы делегация ICESCOның Бакудеги регионаллық ўәкилханасына барды.

Сапар ICESCOға ағза мәмлекетлер Кавказ ҳәм Орайлық Азияда мәдений бирге ислесиўди беккемлеў жолындағы әҳмийетли қәдем болды.

О.Назарбеков Өзбекстанның ICESCO шеңбериндеги бирге ислесиўди раўажландырыў жолындағы ийгиликли жумысларды және де күшейтиўге исенимли умтылатуғынын атап өтти ҳәм Баку ўәкилханасының мәдений дипломатияны раўажландырыў бойынша басламаларын жоқары баҳалады.

Додалаўлар ўақтында перспективалы биргеликтеги жойбарлар – регионаллық семинар, билимлендириў бағдарламалары, академиялық алмасыўлар, сондай-ақ, түркий ҳәм ислам дүньяларының улыўма мәдений мийрасын санлы сақлаў бойынша басламалар додаланды.

Сапар етиў жуўмағында Өзбекстан мәденият министри Озодбек Назарбеков ICESCOның Бакудеги регионаллық ўәкилханасының жумысына табыслар тилеп, ўәкилхананың сапар дәптерине өзиниң тилеклерин жазып қалдырды.

Н.Усмонова, ӨзА