Нөкис қаласы 1-санлы спорт мектебинде спорттың Белбеўли гүрес түринен ер балалар ҳәм қызлар арасында Жәҳән ҳәм Азия чемпионатларына старт берилди.

Бул чемпионатта 20 дан аслам мәмлекеттен 200ден аслам спортшылар беллеседи.

Соның ишинде, Өзбекстан сайланды командасы қурамында жәҳән чемпионатында қарақалпақстанлы жас палўанлардан 44 кг салмақта Тумарис Қалабаева, Шухрат Сәрсенбаев, 70 кг да Айсулыў Қыдырбаева, +70 кг да Нилуфар Мустафаевалар қатнасса, Азия чемпионатында жәми 20 спортшымыз қатнасады.

Атап айтқанда, ул балалар арасында 45 кг салмақта Исабек Бийсенбаев, 50 кг да Жасурбек Муратбаев, 55 кг да Ақылбек Қаллыбеков, 60 кг да Дәўран Жумамуратов, 65 кг да Алий Иниятов, 71 кг да Бахытбек Сейитырзаев, 77 кг да Муса Жумамуратов, Исламбек Көмекбаев,  85 кг да Айдос Ержанов, 95 кгда Генжебек Базарбаев ҳәм Ҳажиакбар Райымбаевлар, қызлар арасында 44 кг да Балзийра Караматдинова, 48 кгда Ҳүрлиман Ниязымбетова, 52 кг да Гүлнур Аманбаева, 57 кг да Жанат Боранбай, 63 кг да Анелия Турдыбаева, Жасмина Оралбаева, 70 кг да Мадина Нийетбаева ҳәм Асемай Муқановалар Азия чемпионлығы ушын беллесиўлерге кириседи.

Адилбай Оразов,

Қарақалпақстан хабар агентлиги шолыўшысы