Олий Мажлис Сенатына БМШ Бас хаткериниң Жаслар мәселелери бойынша орынбасары, БМШ Жаслар бюросының басшысы Фелипе Паульер келди.

Сенат Баслығы Танзила Норбоева менен ушырасыўда Өзбекстан ҳәм БМШ арасындағы бирге ислесиўди және де кеңейтиў, соның ишинде, жаслар парламентлери арасында халықаралық сөйлесиўди күшейтиў, экология, жасалма интеллект ҳәм санлы билимлендириў тараўларында биргеликтеги жойбарларды әмелге асырыў бойынша пикир алысылды.

Мәмлекетимиз басшысының басламасы менен 2026-жылы Самарқанд қаласында Жас парламент ағзаларының халықаралық форумын жоқары дәрежеде шөлкемлестириў бағдарында бирге ислесиў ҳәм онда БМШ Бас хаткериниң жаслар мәселелери бойынша жәрдемшиси әҳмийетли басламалар менен қатнасыўға мирәт етилди.

Ушырасыўда БМШ “Жаслар – 2030” стратегиясының мазмун-мәниси, оның шеңберинде жасларға байланыслы мәселелерди алға қойыўдағы тийкарғы бағдарлар додаланды.

Өзбекстанда жасларға байланыслы мәмлекетлик сиясатты қәлиплестириў ҳәм әмелге асырыў бағдарындағы тийкарғы бағдарлар, түпкиликли реформалар ҳәм әмелий нәтийжелерге тоқтап өтилди. Атап айтқанда, мәмлекет халқы қурамында жаслардың үлеси 55 проценттен артқанын есапқа алып, олардың ҳуқықлары менен мәплерин тәмийинлеў мәмлекетлик сиясаттың тийкарғы бағдарына айланғаны атап өтилди.

Дослық руўхында өткен сөйлесиў жуўмағында Өзбекстан ҳәм БМШ арасында барлық тараўларда өз-ара пайдалы қатнасықларды буннан былай да кеңейтиўге келисип алынды.

Н.Абдураимова, ӨзА