Иордания пайтахты Амман қаласында бокс бойынша жас өспиримлер арасында өткерилген Азия чемпионаты өз жуўмағына жетти.

Бул жарыста Өзбекстан сайланды командасы ағзалары 8 алтын, 7 гүмис ҳәм 4 қола медальларын жеңип алыўға миясар болды.

Қуўанышлы тәрепи сонда, қарақалпақстанлы жас боксшилерден -70 кг салмақта Улбосын Жалғасбаева гүмис, +80 кг да Артур Кеңесбаев қола медалын қолға киргизиўге миясар болды.

Қәбилетли боксшилеримизди жарысқа тәжирийбели тренерлерден Асқар Жуманов ҳәм Шараф Айтбаевлар таярлады.

Адилбай Оразов,

Қарақалпақстан хабар агентлиги шолыўшысы