Қәўип дәрежеси жоқары болған  7 товар топарындағы өнимлерди мәмлекетлик дизимнен өткериў әмелияты бийкар етиледи.

Министрлер Кабинетиниң 2024-жыл 14-августтағы 502-санлы қарарына бола,  бул дизимге:

1. Балалар ушын соскалар;
2. Тис щёткалары;
3. 3 жасқа шекемги балалар аўқатланыўы ушын ыдыслар;
4. 3 жасқа шекемги балалар ушын мөлшерленген дәслепки бас кийимлер;
5. Пижама, ишки кийим, пагталон, ыссы көйлек (фуфайка), ишки көйлек (комбинация), майка, жөргек, қалпақша, слайдер, қалта көйлек (блузка), ишки кийим,  түймесиз кийим (распашонка) ҳәм усыған уқсас 3 жасқа шекемги балалар кийимлери;
6. Шулықлы ыштанлар (колготки), шулықлар, узын шулық (чулки) ҳәм ярым узын  шулықлар  (ярым чулки) ҳәм усыған уқсас 3 жасқа шекемги балалар кийимлери;
7. Ығаллықты тартып алыўшы материаллар (жөргеклер), сондай-ақ, гигинеалық пахта таяқшалар (мурын ҳәм қулақты тазалаўға) ҳәм балалар ушын мөлшерленген усыған уқсас басқа өнимлер киреди.

Бул  өнимлерди  мәмлекетлик дизимнен өткериў,  өнимнен үлги  таңлап алыў, оны сынаў лабораторияларында сынаўдан өткериў, өткерилген сынаў ҳәм өлшеў нәтийжелерин экспертизадан өткериў ҳәм басқа қағыйдаларды орынлаўды  өз ишине алады.

Қарақалпақстан хабар агентлиги