Санкт-Петербург қаласында әмелий сапар менен болып турған Олий Мажлис Сенаты Баслығы Танзила Норбоева Тәжикстан Республикасы Мәжилиси миллий Мәжилиси Жоқары Баслығы Рустами Эмомали менен ушырасыў өткерди.

Сенат Баслығы Т.Норбоева Рустами Эмомалиди Тәжикстан Республикасы  парламенти басшысының лаўазымына сайланғаны менен қутлықлап, келеси дәўирде де еки мәмлекеттиң  нызам шығарыўшы уйымлары арасында жоқары дәрежедеги бирге ислесиў  ҳәм  тығыз қатнасықлар және де беккемленетуғынына исеним билдирилди.

Сәўбетлесиў даўамында  еки тәреплеме бирге ислесиўдиң әҳмийетли мәселелери додаланып, Өзбекстан-Тәжикстан стратегиялық шерикликтиң беккем тийкары еки мәмлекет басшыларының тығыз бирге ислесиўи ҳәм өз-ара исенимниң жоқары дәрежеси тийкарында қәлиплесип атырғаны атап өтилди.

Парламентлердиң жаңа қурамы қәлиплескени мүнәсибети менен парламентлеаралық бирге ислесиўди жеделлестириў режелери додаланды. Тәреплер  жоқары дәрежеде  ерисилген келисимлердиң орынланыўы  үстинен парламентлик қадағалаў мәселелерин күн тәртибине киргизген ҳалда «Өзбекстан – Тәжикстан» дослық  топары мәжилисин өткериўге  таяр екенлигин тастыйықлады.

Ушырасыў жуўмағында тәреплер еки дос мәмлекет арасындағы парламентлераралық  сөйлесиўди беккемлеў ҳәм ҳәр тәреплеме шерикликти тереңлестириў  нийетинде екенлигин тастыйықлады.

Қарақалпақстан хабар агентлиги