Олий Мажлис Сенатына Қытай Халық Республикасы Миллий аудит басқармасы баслығы Хоу Каи келди.

Сенат Баслығы Танзила Норбоева менен ушырасыўда мәмлекетлик бюджетти қәлиплестириў ҳәм оның нәтийжели жумсалыўында есап-санақ палатасының системасы ҳәм парламенттиң өз-ара бирге ислесиўиниң үлкен әҳмийети ҳаққында сөз болды.

Усы тараўда Қытай менен өз-ара тәжирийбе алмасыў, кадрлардың маманлығын  арттырыў ҳәм бул бағдардағы нызамшылық системасын жетилистириў бойынша пикир алысылды.

Сондай-ақ, бюджетти қәлиплестириў, соның ишинде, саўда-экономикалық, аўыл хожалығы, билимлендириў, денсаўлықты сақлаў ҳәм ҳаял-қызлардың исбилерменлигин раўажландырыў бағдарларында гендер процесиниң   үлкен   әҳмийети додаланды.

Аймақлараралық сөйлесиўлердиң раўажланып атырғанын инабатқа алынып,  жергиликли бюджетлер бағдарламасын қәлиплестириўде парламентлик қадағалаўды  күшейтиўге байланыслы жойбарларды жолға қойыўға келисип алынды.

Н.Абдураимова, ӨзА