Ташкентте Парламентлераралық Аўқамның 150-юбилей ассамблеясы даўам етпекте. Ассамблеяның «Социаллық раўажланыў ҳәм әдиллик ушын парламент ҳәрекети» темасындағы биринши жалпы мәжилиси болып өтти.

Мәжилисти Парламентлераралық Аўқам Президенти Тулия Эксон ашып берди ҳәм парламентлер дүнья көлеминдеги социаллық тек салмақлылықты тиклеў,  турақлылық ҳәм әдилликти тәмийинлеўде шешиўши сиясий институт сыпатында белсене қатнасыўы зәрүр екенлигин айрықша атап өтти.

Мәжилис даўамында Өзбекстан Сенаты Баслығы Танзила Норбоева Ассамблея Президенти сыпатында минберге мирәт етилди.

Т.Норбоева Өзбекстан алып барып атырған жәмийетлик реформалар, социаллық қорғаў системасын жетилистириў бағдарындағы кең көлемли басламалар ҳәм халықаралық бирге ислесиўдеги ҳәрекетлерди атап өтти.

Сондай-ақ, ол барлық делегацияларды ашық сөйлесиўге шақырып, жалпы мәжилис жумысына табыс тиледи.

Ассамблея шеңбериндеги пикир алмысыў жаңа әмелий пикир-усыныслардың ислеп шығылыўы, олар жуўмақлаўшы ҳүжжетлер тийкарында парламентлераралық бирге ислесиўди беккемлеўге хызмет ететуғыны атап өтилди.

Н.Абдураимова,

Н.Ҳайдаров (сүўрет), ӨзА