Жоқары дәрежедеги Өзбекстан-Европа сөйлесиўлери жуўмағында биргеликте терек егиў мәресими болып өтти.

Өзбекстан Республикасы Президенти Шавкат Мирзиёев, Европа кеңеси Президенти Антониу Кошта ҳәм Европа комиссиясы Президенти Урсула фон дер Ляйен Самарқанд қаласындағы Конгресс орайы қыябанына еки түп емен екти.

Нәл егиў мәресими Өзбекстан ҳәм Европа Аўқамы арасында дослық, көп тәреплемели бирге ислесиў ҳәм шериклик қатнасықлары барған сайын беккемленип атырғанының және бир тымсалы болды.