Самарқанд қаласында 3-4-апрель күнлери «Орайлық Азия – Европа Аўқамы» биринши саммити болып өтеди.

Биринши мәрте өткерилип атырған саммитте Орайлық Азия мәмлекетлери ҳәм Европа Аўқамы арасындағы көп тәреплеме қатнасықлар ҳәм әмелий бирге ислесиўди раўажландырыў песпективалары көрип шығылды.

Өзбекстан Республикасы Президенти Шавкат Мирзиёевтиң басшылығында өтетуғын саммит жумысында Европа Кеңеси Президенти Антониу Кошта, Европа Комиссиясы Президенти Урсула фон дер Ляйен, Қазақстан Республикасы Президенти Қасым-Жомарт Тоқаев, Қырғыз Республикасы Президенти Садир Жапаров, Тәжикстан Республикасы Президенти Эмомали Раҳман ҳәм Түркменстан Президенти Сердар Бурдимуҳаммедов қатнасады.

Президент Шавкат Мирзиёев 2-апрель күни Самарқанд қаласында саммитте қатнасыў ушын келген Европа кеңеси Президенти Антониу Кошта менен рәсмий емес ушырасыў өткерди.

Ушырасыўда еки тәреплеме ҳәм регионаллық әҳмийетке ийе мәселелер бойынша пикир алысылды. Болажақ «Орайлық Азия – Европа Аўқамы» форматындағы биринши саммитке таярлық мәселелери ҳәр тәреплеме көрип шығылды.

Европа Аўқамының жоқары мәртебели ўәкили Бухара қаласына да барып, халқымыздың мәдений-тарийхый мийрасы менен танысты.

2-апрель күни Самарқандқа Европа комиссиясы Президенти Урсула фор дер Ляйен де келди.

Саммиттиң тийкарғы илажлары, делегациялар басшыларының еки ҳәм көп тәреплеме ушырасыўлары 3-4-апрель күнлери өткериледи.

ӨзА