Қазақстанның Алмата қаласында «Өзбекнефтьгаз» АЖ ҳәм «КазМунайгаз» АЖ арасында нефть-газ тараўында бирге ислесиў ҳаққындағы келисимге қол қойылды.

Ҳүжжет еки мәмлекет компаниялары арасында узақ мүддетли шерикликти раўажландырыўға хызмет етеди. Онда экспертлер қарым-қатнасын жолға қойыў, тәжирийбе алмасыў ҳәм стратегиялық басламаларды биргеликте ислеп шығыў нәзерде тутылған.

Келисим шеңберинде жойбарлар географиясын кеңейтиў, ресурс базасынан нәтийжели пайдаланыў ҳәм өндирис ҳәм транспорт инфраструктурасынан пайдаланыў имканиятларын арттырыў режелестирилген.

Экспертлер компетенциясын бирлестириў арқалы әмелий шешимлер ҳәм басламалар ислеп шығылады. Бул болса ҳәр еки тәрептиң турақлы раўажланыўына үлес қосады.

Жәмийеттиң мәлимлеме хызметиниң мәлим етиўинше, бул қәдем Өзбекстан ҳәм Қазақстан арасындағы исенимли бирге ислесиўди және де беккемлеп, Орайлық Азияда энергетика тараўындағы шерикликти кеңейтиўге түртки береди.

Н.Зиёдуллаева, ӨзА