Билимлендириў тараўында да халықаралық бирге ислесиўди раўажландырыў, олар менен тәжирийбе алмасыўға үлкен итибар қаратылмақта.

Бердақ атындағы Қарақалпақ мәмлекетлик университети Экономика факультети «Бухгалтериялық есап ҳәм аудит» кафедрасының профессор-оқытыўшылары профессор С.Байжанов ҳәм профессор К.Исмайлов Қазақстан Республикасы Х.А.Ясаўий атындағы Халықаралық қазақ-түрк университетинде сапарда болды.

Сапар даўамында университеттиң билимлендириў системасы менен жақыннан танысып шықты. Келешекте бирге ислесиў бойынша өз-ара келисип алынды.

Сапар жуўмағында «Экономика, қаржы ҳәм есап» қәнигелигинде билим алып атырған студент-жасларға мастер класс өткерилди.

Қарақалпақстан хабар агентлиги