Бул ҳаққында Көксарай резиденциясында Президент Шавкат Мирзиёевтиң мәмлекетимиз жаслары менен даўам етип атырған сөйлесиўинде атап өтилди.

Ҳәр жылы мийнет базарына 600 мыңнан артық жаслар кирип келмекте. 2030-жылға барып бул көрсеткиш 1 миллионға жетеди.

Бул мәмлекет ҳәм жәмийетке үлкен жуўапкершилик жүклейтуғыны атап өтилди.

Бул бағдарда жасларды қоллап-қуўатлаў системасы жаратылды. Тек ғана «Жаслар дәптери» арқалы өткен жылы 180 мың жасларға 345 миллиард сумлық жәрдем көрсетилди.

Өткен 8 жылда жас исбилерменлердиң саны 3 есеге көбейип, бүгин бизнес ўәкиллериниң дерлик 40 процентин жаслар қурамақта.

Жумыссыз жаслар 2 есеге азайды. Жумыссызлықтан аўлақ мәҳәллелер саны 1 мың 889ға жетти.

Соның менен бирге, Шўрчи, Бувайда, Фурқат, Касби, Фориш районларында жумыссыз жаслар көплиги сол жердеги басшылардың жуўапкершиликсизлигинен дерек екенлиги көрсетип өтилди.

ӨзА