«Нормативлик-ҳуқықый ҳүжжетлер орынланыўын мониторингтен өткериў метеодикасы» Әдиллик министрлигинде  мәмлекетлик дизимнен өткерилди.

Оған бола, пуқаралардың ҳуқықлары ҳәм исбилерменлик жумысына тәсир көрсетиўши нызам ҳүжжетлери күшке киргеннен соң бес жыл даўамында, нызамнан келип шығатуғын ҳүжжетлери болса үш жыл даўамында ҳәр жылы мониторингтен өткерилиўи керек.

Мониторинг нормативлик-ҳуқықый ҳүжжетте оның мониторинги өткерилиўине тиккелей жуўапкер етип белгиленген мәмлекетлик уйым тәрепинен, жуўапкер уйым белгиленбеген жағдайларда тийисли тараўда мәмлектлик сиясатты әмелге асырыўшы министрлик ҳәм уйымлар тәрепинен әмелге асырылады.

Мониторингтиң тийкарғы ўазыйпасы ҳүжжетлердиң орынланыўы нәтийжелерин таллап алыў ҳәм олардың  нәтийжелилигин баҳалаўдан ибарат. Баҳалаў критериялары ресурс, әмелият ҳәм нәтийжели көрсеткишлерине тийкарланады. Ҳәр жылы 1-февральға шекем мониторинг нәтийжелери рәсмий веб-сайтларда жәрияланыўы ҳәм  «Ijro.gov.uz» системасы арқалы Әдиллик министрлигине көрсетилиўи белгиленди,- деп мәлимлеме береди xs.uz сайты.

Қарақалпақстан хабар агентлиги