Қатар мәлимлеме агентлиги «QNA» Халықаралық бирге ислесиў бойынша мәмлекет министри Марям бинт Али бин Носир Ал-Миснад Өзбекстан Республикасының усы мәмлекеттеги Айрықша ҳәм толық ҳуқықлы елшиси Ашраф Хўжаев пенен ушырасқанын сәўлелендирди.

Сөйлесиў ўақтында еки мәмлекет арасындағы байланысларды қоллап-қуўатлаў ҳәм раўажландырыў, жаңа бирге ислесиў бағдарлары ҳәм улыўма мәпдарлық пенен байланыслы бир қатар мәселелер додаланған.

Өзбекстан – Қатар стратегиялық шериклиги шеңбериндеги жойбарлар менен басламаларды жеделлестириў, әсиресе, глобал ҳәм улыўма үстинликке ийе тәреплерге айрықша итибар қаратыў зәрүр екенлиги атап өтилген.

М.Пирматова, ӨзА