Алдын хабар бергенимиздей, Президент жанындағы Социаллық қорғаў миллий агентлиги Қарақалпақстан Республикасы басқармасы баслығы С.Данияров басқарманың сектор баслықлары менен бирге орынларға шыққан ҳалда «Инсан» социаллық хызметлер орайларының жумысы, 2025-жылы әмелге асырылатуғын жумыслары менен таныспақта.

Тақыятас районындағы дәслепки мәнзил бүгинги күнде «Tortkol xayriyat qurilish» ЖШЖ тәрепинен капитал оңлаў жумыслары алып барылып атырған «Инсан» орайы имараты болды.

Соң райондағы «Madina-Hayot-med» жеке меншик клиникасында «үйде» ҳәм «күндизги қатнаў» хызметлерин жолға қойыў нийетин билдирген исбилермен сондай-ақ, мәмлекетлик-жеке меншик шериклик тийкарында күндизги тәрбиялаў хызметин шөлкемлестириў нийетин билдирген «Happy-Indigo» жеке меншик балалар бақшасы ийеси менен ушырасып, олардың усынысларын тыңлады.

Соңдай-ақ, райондағы спорт мектебинде шөлкемлестирилген адаптив спорт пенен шуғылланыў ушын жаратылған шараятлар менен де танысты.

Қарақалпақстан хабар агентлиги