Аргентина президенти Хавйер Милей мәмлекетти Жәҳән денсаўлықты сақлаў шөлкеми (ЖДСШ)нен шығарыўға буйрық берди. Бул ҳаққында ҳүкимет рәсмий ўәкили Мануэл Адорни мәлим етти, деп хабар береди xabar.uz.

«Сизлерге соны мәлим етпекшимен, Аргентина президенти Хавйер Милей сыртқы ислер министри Ҳерардо Вертейнге Аргентинаны Жәҳән денсаўлықты сақлаў  шөлкеми қурамынан шығарыў бойынша көрсетпе берди», – деди Адорни баспасөз әнжуманында.

Аргентина ЖДСШны тәрк етиўге биринши гезекте COVID-19 пандемиясы дәўиринде санитария  сиясаты бағдарында жүзеге келген кескин келиспеўшилик себеп болғаны айтылмақта.

Еслетип өтемиз, январь айында АҚШ ЖДСШны тәрк еткен еди.

Қарақалпақстан хабар агентлиги