«Майыплығы болған балаларға социаллық хызмет ҳәм жәрдем көрсетиў системасын және де жетилистириў бойынша қосымша илажлар ҳаққында»ғы Президент қарары қабыл етилди.

Қарарға бола, 2025-жыл 1-марттан тәжирийбе-сынақ түринде басқышпа-басқыш Қарақалпақстан Республикасы, Әндижан, Қашқадәрья, Самарқанд, Сурхандәрья ҳәм Ташкент ўәлаятлары сондай-ақ, Ташкент қаласында, 2025-жыл 1-октябрьге шекем республиканың қалған аймақларында 3 жастан 18 жасқа шекемги майыплығы болған балалар ушын мәмлекетлик-жеке меншик шериклик тийкарында күндизги тәрбиялаў хызмети жолға қойылады.

Онда майыплығы болған балалар күндизги тәрбиялаў хызметине олардың ата-аналары менен «Инсан» социаллық хызметлер орайлары арасында дүзилген социаллық шәртнама тийкарында ҳәм Психологиялық-медициналық-педагогикалық комиссия тәрепинен белгиленген тәртипте берилген жуўмаққа муўапық қабыл етиледи.

2025-жыл 1-марттан күндизги тәрбиялаў хызметине байланыслы жумысты әмелге асырыўшы исбилерменлерди қоллап-қуўатлаўдың төмендеги тәртиби енгизиледи:

– күндизги тәрбиялаў хызметинен пайдаланылған бир күн ушын 3 жастан 7 жасқа шекемги ҳәр бир балаға базалық есаплаў муғдарының 25 проценти муғдарында ҳәм 7 жастан 18 жасқа шекемги ҳәр бир балаға – 27 проценти муғдарында субсидия ажыратылады;

Онда ўәлаятлардың орайлары, Ташкент ҳәм Нөкис қалалары ушын субсидия муғдары 1,1 көбейтиўши коэффициентти қолланыў арқалы анықланады.

– Кәмбағал шаңарақлар реестрине киргизилген шаңарақлардың майыплығы болған ҳәр бир баласы ушын жоқарыда белгиленген субсидияның улыўма муғдарының 30 проценти муғдарында қосымша қаржы төлеп бериледи.

ӨзА