Иордания Ҳошимийлер Патшалығының «Аммон жаңалықлары» басылымы Усы мәмлекеттиң инвестициялар министри, инженер Мусанна Ғарайба Өзбекстан Республикасы сыртқы ислер министри Бахтиёр Саидов ҳәм оған шериклик еткен делегацияны қабыл еткенин сәўлелендирди.

Мақалада өз-ара дослық қатнасықты тереңлестириў, инвестиция, экономика, саўда  тараўларында бирге ислесиўди кеңейтиў, атап айтқанда тоқымашылық өнимлери, төгин ислеп шығарыў, химия ҳәм фармацевтика санааты, сондай-ақ, мәмлекетлик ҳәм жеке меншик сектор арасындағы улыўма пайдалы шериклик орнатыў мәселелери додаланғаны атап өтилген.

Ушырасыў даўамында ҳүкиметлераралық комиссия дүзиў, биргеликтеги бизнес-форумлар өткериў, инвестициялық жойбарлар ислеп шығыў сыяқлы әҳмийетли темалар да көтерилген.

Муҳаррама Пирматова, ӨзА