Саудия Арабстанының «Ан-Насср» клубы ҳүжимшиси Криштиану Роналду неге өзин тарийхтағы ең жақсы футболшы деп билетуғынын ҳәм не ушын аргентиналы футболшылар Лионел Месси ҳәм Диего Марадона оннан кейин тилге алыныўы керек екенин түсиндирди.

«Адамларға Месси, Пеле яки Марадона унаўы мүмкин ҳәм мен буны ҳүрмет етемен, бирақ мен оларға қарағанда күшлимен. Мен тарийхтағы ең жақсы ойыншыман. Мен өзимнен жақсысын көрмедим… Мен бас пенен жақсы ойнайман, жәриймаларды жақсы әмелге асыра аламан, тез ҳәрекет етемен, физикалық жақтан күшлимен ҳәм бийикке секире аламан», деди Роналду Ла Сехта баслымына берген интервьюинде.

Мағлыўмат ушын, Роналду бес мәрте Чемпионлар Лигасы жеңимпазы болған. Буннан тысқары, ол бес мәрте «Алтын топ» сыйлығын қолға киргизген. Роналду Португалия сайланды командасы менен 2016-жылы Европа чемпионы ҳәм 2019-жылы УЕФА Миллетлер Лигасы жеңимпазы болған.

Қарақалпақстан хабар агентлиги