Ташкент қаласында «Дэвис кубоги»ниң жәҳән топары шеңберинде Өзбекстан, Босния ҳәм Герцеговина сайланды командалары арасында ушырасыў болып өтти.

Атап айтқанда, ушырасыўдың дәслепки ойынында Ҳумоюн Султонов өз қарсыласы Мирза Башичти 6:4, 3:6, 7:6 есабында жеңген болса, Сергей Фомин Дамир Жумхурға 6:7, 3:6 есабында жеңилип қалды.

Ал, жуплық беллесиўлерде Султонов/Фомин жуплығы Башич/Фатичлерге 6:7, 6:7 есабында жеңилип қалды.

Сайланды командалардың биринши ракеткалары Ҳумоюн Султонов ҳәм  Дамир Жумхур арасында өткерилген шешиўши ойында болса, командамыз ағзасы өз қарсыласына 4:6, 6:1, 3:6 есабында жеңилип, кубоктеги өзлериниң жүрисин тоқтатты.

Адилбай Оразов,

Қарақалпақстан хабар агентлиги шолыўшысы