31-январь – 1-февраль күнлери теннис бойынша Өзбекстанның ерлер сайланды командасы «Дэвис кубоги»нде I жәҳән топарының  плей-офф басқышында қатнасады.

Бул басқышта сайланды командамыз Босния ҳәм Герцеговина менен бир неше ойынлар өткереди.

Атап айтқанда, 31-январь күни Ҳумоюн Султонов Мирза Башич пенен, Сергей Фомин болса, Дамир Жумхур менен жекпе-жек ойынлар өткерсе,  1-февраль күни С. Фомин / Ҳ.Султонов  жуплығы М.Башич / Н.Фатичке қарсы беллесиўге түседи.

Буннан соң усы күни Ҳумоюн Султонов Дамир Жумхурға, Сергей Фомин Мирза Башичке қарсы кортқа түседи.

Адилбай Оразов,

Қарақалпақстан хабар агентлиги шолыўшысы