«Наманган мәмлекетлик техника университетин шөлкемлестириў ҳаққында»ғы Президент қарары қабыл етилди.

Қарарға бола, Наманган инженерлик-технология институты, Наманган инженерлик-қурылыс институты ҳәм Наманган тоқымашылық санааты институты тийкарында Наманган мәмлекетлик техника университети шөлкемлестириледи.

Инженерлик, қурылыс, тоқымашылық, мәлимлеме технологиялары ҳәм программалаў, өндирис, қайта ислеў ҳәм хызмет көрсетиў тараўлары бойынша, сондай-ақ, аймақтың жоқары тәжирийбели кадрларға болған талабына муўапық жоқары мағлыўматлы қәнигелер ҳәм илимий-педагогикалық кадрлар таярлаў Университеттиң тийкарғы ўазыйпаларынан бири етип белгиленди.

Университетте юридикалық тәреп статусысыз Алдыңғы инженерлик мектеби жумысы шөлкемлестириледи.

2025-2026-оқыў жылынан жумыс бериўши кәрхана ҳәм шөлкемлердиң реал машқалалары тийкарында питкериў қәнигелик жумыслары ҳәм магистрлик диссертациялары темалары банкин қәлиплестириў ҳәм студентлердиң питкериў қәнигелик жумысы ҳәм магистрлик диссертациясын қорғаўын жумыс бериўши кәрхана ҳәм шөлкемлерде шөлкемлестириў илажлары көриледи.

2026-2027-оқыў жылына шекем Университеттиң кеминде еки бакалавриат тәлим бағдары ҳәм үш магистратура қәнигелигиниң халықаралық тән алынған шөлкемлер аккредитациясынан өткерилиўи тәмийинленеди.

2025-жылдан ири өндирис кәрханалары Университетке санаатта бирге ислесиўшиси сыпатында бириктириледи.

Наманган инженерлик-технология, Наманган инженерлик-қурылыс соның менен бирге, Наманган тоқымашылық санааты институтларында оқып атырған барлық студентлер өз оқыўын университетте даўам еттиреди ҳәм 2024-2025-оқыў жылынан баслап питкериўшилерге белгиленген тәртипте университет дипломы бериледи.

ӨзА