Усы жылдың 3-20-апрель күнлери Саудия Арабстанында өткерилетуғын U-17 Азия кубогине таярланып атырған Өзбекстан сайланды командасы Саудия Арабстаны сайланды командасы менен жолдаслық ойынын өткерди.

Қызықлы өткен ойында сайланды командамыз ағзалары өз қарсыласларын 1:0 есабында жеңип шығыўға миясар болды.

Әҳмийетли тәрепи сонда, Саудия Арабстаны дәрўазасына командамызға жеңис алып келген голды қарақалпақстанлы жас ҳүжимши Нурбек Сәрсенбаев  урыўға миясар болды.

Адилбай Оразов,

Қарақалпақстан хабар агентлиги шолыўшысы