Алдын хабар берилгениндей, республикамызда өткерилип атырған «Исбилермен ҳаял-қызлар ҳәптелиги» шеңберинде ҳаял-қызлардың исбилерменлик жумысларын раўажландырыў мақсетинде бухаралы исбилермен Назира Рўзимова тәрепинен Тақыятас районы Найманкөл АПЖ да жасаўшы жумыссыз ҳаял-қызлардың бәнтлигин тәмийинлеў, олардың турақлы дәрамат дәрегине ийе булыўы ушын, үй шараятында пал ҳәррешилик өнимлерин жетистирип, дәрамат табыўы бӯйынша мастер-класс өткерилди.

Илажда исбилермен Н.Рўзимова аймақтағы 20 дан аслам ҳаял-қызға пал ҳәррешилик өнимлерин таярлаў ҳәм жетистириў сырлары бойынша өзиниң баҳалы мәсләҳәтлерин берип, тәжирийбелери менен ортақласты.

Сондай-ақ, исбилермен сол аймақта жасаўшы З.Гөнебаева ҳәм З.Қошқаровалардың ҳәр бирине бир данадан пал ҳәрре қутысын бийпул берип, келешекте биргеликте тәжирийбе алысып жәрдем беретуғынын атап өтти.

Ҳәптелик шеңбериндеги илажлар даўам етпекте

Қарақалпақстан хабар агентлиги