ЮНЕСКОның Париждеги бас резиденциясында Мәденият ҳәм көркем өнерди раўажландырыў қоры баслығы Гаянэ Умерованың ЮНЕСКО бас директоры орынбасары Гариэла Рамос пенен ушырасыўы болып өтти.

Ушырасыў даўамында Әбиў Райхан Беруний атындағы ЮНЕСКО-Өзбекстан халықаралық сыйлығы хызметин жолға қойыў ҳәм биринши сыйлықлаў мәресимин ЮНЕСКО Бас конференциясының 43-сессиясы шеңберинде Самарқандта өткериў мәселелери додаланды.

Сондай-ақ, ЮНЕСКОның гендер теңлик мәселелери бойынша директоры Бегония Ласагабастер менен өткерилген жумысшы ушырасыўларда ҳаял-қызларды қоллап-қуўатлаў тараўындағы бирге ислесиўди беккемлеў, олардың мәденият, билимлендириў ҳәм социаллық басламалардағы қатнасыўы сыяқлы әҳмийетли мәселелер додаланды.

«Өзбекстан-2030» стратегиясы шеңберинде мәденият, көркем өнер ҳәм санлы технологиялар тараўларында ҳаял-қызлардың роли ҳаққындағы басламалар көрсетилди. Креатив тараў тармақларында ҳаяллар жетекшилигин раўажландырыў, олардың санлы орталықтағы қатнасы, сондай-ақ, мәденият тараўында кәсиплик жетикликке ерисиўи ушын шараятлар жаратыў бойынша жойбарлар ҳаққында сөз етилди.

Өзбекстан жасалма ерк-ықрар технологияларына таяр екенлиги ҳаққындағы ЮНЕСКО есабаты, мәмлекетимиздиң ЮНЕСКО Жаслар әнжуманындағы қатнасыўы ҳәм ЮНЕСКОның бас резиденциясында «Өзбекстан-Уллы Жипек жолы кесилиспесинде» көргизбесин шөлкемлестириў басламаларына айрықша итибар қаратылды.

ӨзА