17-январь күни Бирлескен Араб Әмирликлериниң пайтахты Абу-Даби қаласындағы Space42 Arena комплексинде ММА бойынша UAE Warriors 57 турнири болып өтеди.
Әҳмийетли тәрепи сонда, бул жарыста қарақалпақстанлы аралас жеке гүрес шебери Зульфия Курбашова да қатнасып, бразилиялы Керол Форо менен беллесиўге түседи.
Бул Зульфияның халықаралық аренадағы бесинши беллесиўи болып, буннан алдын жерлесимиз 3 беллесиўде жеңиске ерискен еди. Ал, 1 беллесиўде өз қарсыласынан жеңилиске ушырады.
17-январь күни өткерилетуғын беллесиўде қызымызға әўмет яр болыўын тилеп қаламыз.
Адилбай Оразов,
Қарақалпақстан хабар агентлиги шолыўшысы