Ташкент қаласындағы Олимпия ҳәм Паралимпия даңқ музейинде 2024-жылдың ең жақсыларын сыйлықлаў мәресими өткерилди. Мәресимде спорттың ҳәр қыйлы түрлери бойынша ең жоқары нәтийжелерди қолға киргизген спортшылар жеңимпаз деп табылып, олар арнаўлы сыйлықлар менен сыйлықланды.
Атап айтқанда, еки мәрте Олимпиада чемпионы Хасанбой Дўсматов «Жылдың ең жақсы еркек спортшысы», дзюдо бойынша Олимпиада чемпионы Диёра Келдиёрова болса, «Жылдың ең жақсы ҳаял спортшысы» сыпатында тән алынды.
Футбол бойынша Өзбекстан миллий сайланды командасының қорғаўшысы Абдуқодир Ҳусанов «Жылдың ең жақсы жас спортшы» номинациясында жеңимпаз болды.
Пара таэквондошы Асадбек Тоштемиров «Жылдың ең жақсы жас паралимпияшысы», Өзбекстан футбол ассоциациясы «Жылдың ең жақсы спорт илажларын шөлкемлестириўшиси»си, Өзбекстан таэквондо WТ ассоциациясы «Жылдың ең жақсы спорт федерациясы», бокс бойынша Өзбекстан сайланды командасы «Жылдың ең жақсы сайланды командасы», еркин гүрес бойынша Олимпиада чемпионы Разамбек Жамалов «Жыл ашылыўы», Нодир Тўйчиев «Жылдың ең белсенди спорт үгит-нәсиятлаўшысы», Өзбекстан миллий ахборот агентлиги фотохабаршысы Алмурат Мамадаминов «Жылдың ең жақсы спорт фотохабаршысы», «Спорт» телеканалы хабаршысы Марина Якубова «Жылдың ең жақсы спорт журналисти», «Спорт» телеканалы режиссёры Лола Абдуюсупова «Спортты үгит-нәсиятлаўдағы узақ жыллық хызметлери ушын», Диана Саттарова «Жылдың ең жақсы спорт шыпакери», Зуҳра Абдуллаева «Жылдың ең жақсы төрешиси», Өзбекстан оқ жайдан атыў федерациясы «Раўажланып атырған федерация», Пара жеңил атлетика бойынша Өзбекстан сайланды командасы «Жылдың ең жақсы пара сайланды командасы», Яҳё Якубов «Жылдың ең жақсы пара спорт тренери», бокс бойынша сайланды команда ағзасы Ситора Турдибекова «Жанкүйерлер меҳирине бөленген спортшы», Рўза Қўзиева «Жанкүйерлер меҳирине бөленген параспортшы», пара жеңил атлетикашы Нурхон Қурбонова «Жылдың ең жақсы ҳаял паралимпияшысы», Ҳусниддин Норбеков «Жылдың ең жақсы еркек паралимпияшысы» деп табылды.
Сондай-ақ, илажда Олимпиада спорт түрине кирмейтуғын спорт түрлери бойынша сайланды командалар да арнаўлы сыйлық пенен сыйлықланды.
Атап айтқанда, шахмат бойынша Өзбекстан сайланды командасы «Олимпиада емес спорт түрлери бойынша ең жақсы сайланды команда», Пара шахмат бойынша Өзбекстан сайланды командасы «Олимпиада емес спорт түрлери бойынша ең жақсы пара сайланды команда» номинациялары бойынша жеңимпаз деп жәрияланды.
Қарақалпақстан хабар агентлиги