Өзбекстан Республикасы Президенти Шавкат Мирзиёев Россия Федерациясы Президенти Владимир Путинниң мирәт етиўине бола 25-26-декабрь күнлери болып өтетуғын ҒМДА ҳәм ЕАЭА саммитлеринде қатнасыў ушын әмелий сапар менен Санкт-Петербург қаласында болады.
Мәмлекетимиз жетекшиси Ғәрезсиз Мәмлекетлердиң Дослық Аўқамы мәмлекет басшыларының рәсмий емес ушырасыўы ҳәм Жоқары Евроазия экономикалық кеңесиниң гезектеги мәжилисинде бақлаўшы статусында қатнасады.
Саммитлер күн тәртибинен бул көп тәреплеме бирлеспелер шеңбериндеги өз-ара пайдалы бирге ислесиўди және де кеңейтиўдиң әҳмийетли мәселелери орын алған. Биргеликте исленген жумыслардың тийкарғы жуўмақлары шығарылады ҳәм келеси жылғы әмелий бирге ислесиўдиң тийкарғы бағдарлары бойынша пикир алысылады.
ӨзА