Абдулла Арипов Қырғызстанныӊ жаӊа бас министри менен сөйлести.

18-декабрь күни Өзбекстан Бас министри Абдулла Арипова Қырғыз Республикасы Министрлер Кабинети Баслығы – Президент Администрациясы Басшысы Адилбек Касималиев пенен телефон арқалы сөйлесиў өткерди.

Сәўбет алдынан Өзбекстан Бас министри Адилбек Касималиевти Қырғызстан Бас министри етип тастыйықланғаны мүнәсибети менен қутлықлады.

Сондай-ақ, мәмлекет басшылары тәрепинен ҳүкиметлер алдына қойылған әҳмийетли ўазыйпаларды әмелге асырыўда тығыз бирге ислесиў ҳәм саўда-экономикалық, транспорт-логистика, энергетика, санаат кооперациясы, аўыл хожалығы, мәдений-гуманитарлық ҳәм басқа тараўларда ерисилген келисимлерди избе-из әмелге асырыўға исеним билдирилди.

Алдынырақ, Өзбекстан Бас министри қырғызстанлы кәсиплесине усы лаўазымға тастыйықланғаны мүнәсибети менен қутлықлаў хатын жиберген еди.

Қарақалпақстан хабар агентлиги