Усы жылдың 10-11-декабрь күнлери Ташкент қаласында пара оқ атыў бойынша ер балалар ҳәм қызлар арасында Өзбекстан чемпионаты болып өтти. Чемпионатта Қарақалпақстан Республикасынан қатнасқан спортшылар Еркинбай Зулхандеров екинши орынды ийелеп гүмис, Жеткерген Мәмбеткаримов үшинши орынды ийелеп, қола медалы менен сыйлықланды.
Спортшыларды жарысқа таярлаған тренер Дилбар Даўлетова.
-Алдағы ўақытлары шынығыўларды және де жетилистирип, өз үстимде көп изленип келеси чемпионатларда алтын медальды қолға киргизиўге ҳәрекет етемен,-дейди Е.Зулхандеров.
Қарақалпақстан хабар агентлиги