Бирлескен Араб Әмирликлериниң Дубай қаласында ментал арифметика бойынша оқыўшылар арасында халықаралық олимпиада болып өтти.

Бул олимпиадаға жер жүзиниң 10 нан аслам мәмлекетлеринен оқыўшылар қатнасты.

Солар арасында Кегейли районындағы 1-санлы мектептиң оқыўшылары да қатнасып, белгиленген 10 минут ишинде 1 ҳәм 2 ханалы 6 бағаналы 200 есаптан 130-170 аралығындағы есапларды шығарыў бойынша жақсы нәтийжелерди қолға киргизди.

Атап айтқанда, усы мектептиң 3-класс оқыўшысы Азамат Айтбаев барлық сораўларды тез ҳәм анық шешип, олимпиаданың алтын медалын жеңип алыўға еристи.

Ал, 1-класс оқыўшысы  Радмир Азаматов пенен Гүлқумар Жолдасбаеваға екинши орын несип етти.

Бул жеңимпаз оқыўшыларды халықаралық олимпиадаға устазы Қаллыхан Жумабаева таярлады.

Адилбай Оразов,

Қарақалпақстан хабар агентлиги шолыўшысы